Mihttomearit ja strategiiat

Davvi/Sámis duohtan dahkkojuvvojit vejolašvuođat rádjeguovlluguovdasaš barggu bakte 

Prográmma višuvdna lea vuhtiiváldit daid vejolašvuođaid mat gávdnojit guovllus: áidnalunddot luonddu- ja kultuvranávccat, oktavuohta badjel riikkarájiid, nanu vuođđoindustriijat, sierranas gelbbolašvuođat ja ealáhusat main lea šaddanmunni. Ovttasbargu geahpiduvvo buoriduvvon ja lassánan kommunikašuvnnain ja addá dynamihka gos jurdagat ovddiduvvojit ja šaddet ođđa máhtut, buktagat ja bálvalusat. Davvi/Sápmi lea bivnnuhis ja eallinávccalaš guovlu gos olbmot dovdet oktiigullevašvuođa badjel riikkarájiid ja leat movttegat iežas guovllus ja iešvuođas. 

Davvi

Interreg IVA Davvi oppalaš ulbmil lea ahte nannet prográmmaguovllu gilvalannávcca ja oktiigullevašvuođa.
Nanustuvvan guovlluguovdasaš gilvalannákca mearkkaša eanet ođđa fitnodagaid mat nagodit šaddat gilvohallamis eará fitnodagaiguin sihke guovllus ja eará guovllus máilmmis. Nanustuvvan guovlluguovdasaš oktiigullevašvuohta mearkkaša sosiálalaš fierpmádagaid ja oktavuođaid mat šaddet go olbmot gávnnadit prográmma čađaheami oktavuođas. 

Sápmi

Oasseprográmma Sámi oppalaš ulbmil lea ahte visot návccaiguin sámi servodagas ovddidit sámi kultuvra- ja fitnodateallima ekologalaš ja guhkilmas návccaid geavaheami bakte.