Interreg Davvi nammasaš EU-prográmma galgá doarjut rádjerasttildeaddji ovttasbarggu dainna ulbmiliin ahte nannet ekonomalaš ja sosiála ovdáneami 2014-2020 áigodagas. Davviprográmma bajimus ulbmil lea nanusmuhttit guovllu gilvonávccaid ja dahkat dan geasuheaddji guovlun. Prográmma gokčá davvi-Ruoŧa, davvi-Suoma, davvi-Norgga ja Sámi.

Davviprográmma 2014-2020 gokčá guokte geográfalaš oasseguovllu, Davvi-oasseguovllu ja Sápmi-oasseguovllu. Prográmmas leat njeallje vuoruhansuorggi main sáhttá olu ovdánahttit ja main lea vejolaš bargat riikkarájiid rastá:

  • Dutkan ja innovašuvdna
  • Entreprenevrrat
  • Kultuvra ja biras
  • Oktasaš bargomárkan

Son guhte ohcá galgá leat juridihkalaš persovdna – juogo priváhta dahje almmolaš. Ohcamis fertejit leat unnimusat guovtti riikka doaibmaoasálačča mat gullet prográmmaguvlui. Davviprográmma atná positiivan jus leat doaibmaoasálaččat buot golmma riikkas. Okta doaibmaoasálaš (EU-riikkas) válljejuvvo oktiiheiveheaddji doaibmaoažžun ja das lea formálalaš ovddasvástádus čađahit prošeavtta. Norgga beal doaibmaoasálaččas sáhttá leat jođiheaddjerolla oktasaš čađaheamis.  Dattege ferte Ruoŧas ja Suomas gávdnot doarjjaoažžu geas lea oktiiheivehanovddasvástádus EU-doarjaga vuostáváldimis. Prošeakta sáhttá ruhtaduvvot EU-ruđain gitta 65% rádjái, ja Norgga Interreg-ruhta ges sáhttá gokčat 50% ollislaš ruhtadeamis.

Prošeavtta doaibmaoasálaččat galget ovttasbargat prošeavtta ovddideami, čađaheami, bargoveaga ja/dehe ruhtadeami ektui.

EU-ohcamuša sáhttá sáddet elektrovnnalaččat čuovvovaš čujuhussii: https://www.minansokan.se/tvv_nyps_web/public/start.xhtml

EU-ohcamuša vuostáiváldá Norrbottena leanastivra.

Norgga ohcamuš sáddejuvvo elektrovnnalaččat Tromssa Fylkkagildii: regionalforvaltning.no

Go ohcamuš lea sáddejuvvon sisa de árvvoštallet prográmma stivrenlávdegottit prošeaktaohcamuša prográmma ulbmiliid ja vuoruhemiid ektui. Duššefal dievaslaš ohcamušat váldojit ovdan vuoruheapmái. EU-doarjaga dáfus lea hálddašeaddji eiseváldi dat guhte mearrida doarjaga stivrenlávdegottiid vuoruhemiid vuođul. Tromssa Fylkkagielda mearrida Norgga Interreg-doarjaga juolludeami.

 

Muitte dáid áigemeriid
Ovttaskas prošeavtta prošeaktaáigodaga maŋemus dáhton lea juovlamánu 31. b 2021.

Maŋemus áigemearri buktit loahpparaportta našuvnnalaš dárkkisteddjiide lea guovvamánu 28 b. 2022.

Maŋemus áigemearri ohcat loahppamávssu www.minansökan.se neahttasiiddu bokte lea miessemánu 31. b. 2022.

Oktavuohta:

Čállingoddi Sápmi
Sámediggi
Box 90
S-981 22 KIRUNA
Tel vx +46 (0)980 780 30
Ruovttusiidu:www.sametinget.se
Guossečujuhus: Köpmangatan 58, Östersund
Helen Bergkvist Tel: +46 (0)63 150855
e-boasta: helen.bergkvist@sametinget.se

Norgga čállingoddi Davvi ja Sámi oasseguovlluid várás:
Tromssa Fylkkagielda

Bargogottehoavda, Riikkaidgaskasaš ossodat (Stabssjefen, v/Internasjonal avdeling)
Postboks 6600
N-9296 TROMSÖ
Tel vx: +47 77 78 80 00
Ruovttusiidu: www.tromsfylke.no

Ian Jawahir tel. +47 77 78 81 68
e-boasta: ian.jawahir@tromsfylke.no

Oarjánsámi prošeavttaid čállingoddi Sámi oasseguovllus:
Davvi- Trøndelága fylkkagielda

Fylkets Hus, Interreg-čállingoddi (Interreg-sekretariatet)
N-7735 STEINKJER
Tel vx +47 74 11 10 00
Ruovttusiidu: www.ntfk.no

Sidsel Trønsdal Tel +47 74 11 10 55
e-boasta: sidsel.tronsdal@ntfk.no